#الوقت_المسموح للتعرض للشاشات الالكترونية للاطفال حسب السن

الموضوع بقي مرعب فعلا احنا بنعرض ولادنا اللي اقل من سنة لجرعه لاتناسب اللي فوق ال 20 سنة

ليه بقى ممنوع الطفل يتفرج على التلفزيون قبل سنتين ؟؟؟؟!!!

في توصيات عالمية بعدم تعرض الطفل الاقل من سنتين للميديا زي التلفزيون والموبايل والتاب واللاب توب...ومن سنتين ل ٥ سنوات ساعة فقط ويفضل ان تكون برامج مفيده مفيهاش خيال وجنيات وعفاريت وشخصيات خارقة وده لأن الطفل بيبقى غير قادر قبل 6 سنوات علي التمييز بين الواقع والخيال 😣😣
_ مخ الطفل بينمو بسرعة اول سنتين , التلفزيون ليه تأثير سلبي على النمو العقلي والذهنى للأطفال ودا عشان بيقدم معلومة من اتجاه واحد من غير رد من الطفل او تفاعل .
_عملوا رسم مخ للأطفال وهما بيتفرجوا على التليفزيون لقو عندهم كسل دماغى على عكس نشاط دماغى ملحوظ لنفس الاطفال وهما بيقروا او يلعبو العاب تفاعلية.
_في دراسة لقت ان الاطفال اللى عندهم توحد زادت من سنة 80 لحد دلوقت فلقوا ان على نفس الوتيرة دى ممكن اللى عندهم توحد حيبقوا اكتر من الناس العادين ولقوا ان فى صلة بين التوحد والتليفزيون 😱
_جامعة ف بريطانيا عملوا دراسة على 11 الف طفل بيتفرجوا على التليفزيون 3 ساعات قبل سن 5 سنين لما بقى عندهم7سنين لاحظوا عندهم عنف وغش وكذب وطمع وسرقة
طبعا كل دا متكلمناش عن جودة البرامج المتاحة فالبلاد العربية واللي اصلا لا تصلح للمشاهدة للكبار فما بالكم بالاطفال اللي المفروض بيخزنوا كل معلوماتهم فالسن الصغير دا تخيل هيدخلهم ايه وهيكون تصرفاتهم ازاي لما يكبروا احنا في تحدي حقيقي اننا نوفرلهم بدايل كويسة
دا بوست عن اول تلت سنين تجربة شخصيه مع ادم المفروض نعمل معاهم ايه https://goo.gl/6mWJCG
دا كمان موقع في انشطة لاول فترة في عمر الاطفال https://goo.gl/7EYyCQ
ودي موقع في انشطة منتسوري من اول يوم