تجربتي في استخدام طاسه الشواء اللي مالهاش اي تلاتة وتلاتين لزمة

المره دي عن تجربتي في استخدام طاسه الشواء اللي مالهاش اي تلاتة وتلاتين لزمة 😂👎ايون زمبقولك


#مميزات_وعيوب
العيوب اولا 😬
1- لو حطيتي فيها فرخه وسبتيها شوية هتفتحي تلاقيها لونها ابيض وزي المسلوقه بالضبط ودا بسبب ميه الفرخه اللي بتنزل وتتحول لبخار كثيف صعب يخرج من الفتحه الصغيره اللي ف الدريل. ودا بيعمل عمليه تسويه بالبخار وليست عمليه شواء


2- عشان الفرخه تتشوي جوة الجريل زي الشكل اللي ف الصور لازم تعملوا عده خطوات مرهقه وهي
بعد ماتحطو الفرخه ف الجريل افتحو عليها كل شويه هتلاقوها منزله ميه .. صفو الميه تماما وامسحو الجريل وحطو الفرخه من تاني وهكذا لان الميه بتسوي بالبخار ولا تساعد ع الشواء😂😂
وفي الاخر هتتحمر منك فعلا بس هتلاقي وسطها ابيض وبغيض زي اللي ف الصورة لان الجريل فاشل في توزيع الحراره 😜

3- او تعملي زي منا بعمل : بجيب الفرخه كامله واشوحها في زيت سخن واحرك الطاسه بسرعه فالنار تمسك في الفرخه وتشمعها وتحبس الميه جواها وتحمي جلدها انة يلزق ف الطاسه .. وبعد ماتتحمر في الطاسه تحطيها ف الجريل علي نار هاديه لحد ماتستوي من جوة .


4- افضل انك تستخدمي وش واحد من الجريل زي الطاسه
وتفتحي انتي تقلبي الفرخه علي نفس الوش الساخن
مش تقلبي الجريل نفسها لان دا هيبوظ الفرخه
لان وش الجريل اللي فوث ببقي دافي وليس ساخن جدا
فبدل ماتقلبي الجريل وتستني اما يسخن لا افتحي انتي واقلبي الاكل واهو تحافظي علي ناحيه من الجريل بدون ماتتبهدل من النار

#الايجابيات
مناسبه لعمل الحوواشي 😂
مناسبه لتسخين الخبز 😂
مناسبه لعمل الكنافه بتاعه رمضان 😂
مناسبه لعمل الفرخه بالطريقه اللي فيها فويل الومنيوم زي اللي في الصورة والفيديو وهي افضل طريقه يمكن ان تستخدم في هذاك الاختراع الفاشل من واقع استخدامي

وهي اني بتبل الفرخه كالعاده وبعدين بحطها في طاسه سخنة .فيها زيت واحركها فالنار تمسك في الفرخه وتشمعها وتخلي جلدها لامم واهدي عليها لحد ماتنزل ميتها - او لو مالكيش في الحركة دي شوحيها بطريقتك وحمريها من برة --- بعدين اطلعها اسيبها تبرد
وبعدين اجيب رز مطبوخ اشوحو مع بصله وفلفل اسمر واحشي بيه الفرخه
بعدين اجيب فويل الومنيوم واحط فيه الفرخه والف عليها واقفلها كويس جدا مش اخلي فيها منفس كاني مبرشمها
وبعدين اسخن الجريل ع الاخر . ثم اوطي النار خالص علي اصغر درجه
واحط فويل الفرخه واقفل الجريل وافتح بعد ساعه كامله وافتح فويل الالومنيوم الاقي الفرخة استوت وسليمة
فتكون بهذا الشكل المرضي والطعم اللذيذ

ودا افضل استخدام للجريل الفاشل من وجهه نظري  

احمد الشرقاوي

Share on Google Plus

About rayan gody

نهتم بالتدوين العربي ، ومتابعة آخر الأخبار والأناشيد وجديد النتائج والاذاعات المدرسية التى تهم الطالب / والمناهج - ننشر المناسبات والصور واتس اب وتواصل اجتماعي - نكون الاسرع والأقرب في نشر الخبر
تعليقات فيسبوك
0 تعليقات الموقع

0 التعليقات:

إرسال تعليق

أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..